Koadernoa deskargatu PDF formatoan

Koaderno hau erabiltzeko baldintzak:

Dosia elkartearen beharrizanen arabera hartu behar izango da. Noizean behin hartu edo egoera larria bada, egunero.

Taldean hartu behar da. Zure lagunekin erabili. Zenbat eta jende gehiagok hartu, hainbat eta ondorio hobeak izango ditu.

Kritikoki hartzea komeni da. Egokitu zure errealitatera, hobetu.

“Rollo txar”, kritika txar, sormen, motibazio eta umore ezatik urrun gorde

Alde txarrak: ez da arazo garrantzitsurik somatu, gehiegizko autoritarismo kasuren baten izan ezik; kontuz! Autoritarismoa eta botika hau bateraezinak dira. Zerbait txarto ateratzen bada denbora falta, lan handiegia eta motibazio ezagatik izan daiteke. Horrelako gaixotasunak aparte aztertu behar dira.

Oso garrantzitsua: Beste ondorio batzuk izan ditzake. Horien artean hauek daude: programen efikaziak gora egiten du, taldeko kideen arteko koordinazio maila igo egiten da, lan giroa hobetu egiten da orokorrean, kideen parte hartzeak gora egiten du. Ideia, proiektu, ekimen berriak sor ditzake.